Vierunachzisch, unger Linde,
Winterohvend, Januar,
Ostberlin, die Muhr vun hinge,
Showdown en’ner Hotelbar.
Funktionäre, Diplomate,
wämm vertraut mer un wämm nit?
En Handvoll nötzliche Idiote,
die dä Wald vüür lauter Bäum nit sieht.
Berlin, Berlin. Unger Linde, enn Berlin. (x2)
Ussjecheckt, unger dä Linde,
Moritzplatz, dä Vopo strahlt,
weiß noch nit, dat mir verschwinde,
hätt für morje Naach en Kaat.
Dann die Bletzleechter un die Mikrophone
un dä schleimije Applaus,
sehr, sehr wichtije Persone,
die mer langsam jetz durchschaut.
Berlin, Berlin. Vierunachzisch, enn Berlin.
Fünf Johr donoh ess et passiert,
ich sooß doheim vüür`m Fernsehn,
merkwürdig berührt,
wie jedesmohl, wenn ich he benn,
Eck Friedrichstrooß/Unger dä Linde, enn Berlin.
Berlin (x3)
Übersetzung kölsch - deutsch:
Unger dä Linde – Unter den Linden
Muhr – Mauer
vun hinge – von hinten
Moritzplatz– ehemaliger Grenzübergang in Kreuzberg
Kaat – Karte
donoh - danach
